أمس كنت معزوم عند واحد من الربع، مرني واحد من الشباب جان يتذكر انه مو يايب وياه شئ حق راعي المكان، وين أقرب مكان، قلنا الجمعية

دشينا الجمعية، شرينا الأغراض، كنا تونا نبي نطلع، جان أشوفه

هممممم، هذي مشيته، هذي قصة شعره، قلت حق صاحبي، تشيني( يعني أعتقد، مو مستر ديك) أنه لمحت واحد أعرفه

قام البرغ السكري يلحقه، و يدور عليه في الجمعية، حتي شافه صوب الحليب، قام و لف و ياله من الصوب الثاني، لمح ويه، سوا بروسيسنج في مخه نفس فيلم الميتركس، و طلع له 100 % ماتش، لف عليه و قاله، خل عنك الكاكاو، الفراولة أحسن

الولد انصدم، توه مكلمني أمس، و راد الكويت حق عطلة الكريسمس، يعني صدفة خير من ألف ميعاد (مو عواد)، قالي شلون طحت علي، قلت له من مشيتك. الولد عنده مشية عجيبة، مثل اللي يتزلج علي الجليد، ما في أحد غيره

بعد السلام و السوالف السريعة، هديته و طلعت

و بس

Purgatorian Post #1171